Sarhaad

 Kyun hai akhir yeh sarhadein 

Humko juda karti huye? 

Jab ke hum hai toh wohi 

Jo sath larre thee, 

Apno ke liye aasu bahaye thee. 

Jab ki hum aur tum

Ek sath hi toh azaad huye thee.

Akhir kyun hai yeh sarhadein

Humko juda karti huye? 

Jab ke humare itihas ke panne ek hai 

Har sarak ek hai har sheher ek hai. 

Jab ki har ek khaane ke swaad mein, 

Kapre ke rang mein 

Aur jagah ke ehsaas mein 

Hum aur tum ek jaise hi toh hai.

Todh do yeh sarhadein 

Jaha har waqt tumhara aur mera 

Koi bhai larta rehta hai 

Desh ke naam pe kurbani deta rehta hai.

Todh do yeh deeware 

Jo kabhi koi Veer aur Zaara ko Milne nahi deti.

Jab ke uss paar koi sheher mein

Ranjha Heer le dastaan batata koi ashiq,

Iss paar kisi gaon mein 

Mirza Sahiba ke kahani

Sunata koi premi; 

Kahani toh humari akhir ek hi hai 

Bas tum aur main do desh bann gaye 

Naam alag bhes alag 

Par akhir ruh toh humara ek hi hai.

Kahi yaha ke lori ka dhun 

Mil jaati hai usspar ki dhun se. 

Kahi iss par ka baarish bhiga deti 

Uss paar ki mitti ko.

Pyar se kyun nahi ek ho sakta yeh duniya humari?

Kyun bichre hum aur tum? 

Insaano ki iss bhir mein.

© Suranya